«Ливерпуль» вингери Коди Гакпо ёзги трансфер ойнасида сотилиши даргумон. Журналист Алекс Крукнинг маълумот беришича, «Тоттенхэм» нидерландиялик футболчига қизиқиш билдиришда давом этмоқда, даъвогарлар орасида бошқа клублар ҳам бор, бироқ «қизиллар» ўз ўйинчиси билан хайрлашиш ниятида эмас. Бош мураббий Андони Ираола бўлажак мавсумда 27 ёшли футболчига катта умид боғламоқда.
«Ливерпуль»да жамоа ҳужум қанотларида чуқурлик етишмаётганини ҳисобга олишмоқда, шу боис улар сотишга эмас, балки янги футболчиларни харид қилишга эътибор қаратишган.
Коди Гакпонинг амалдаги шартномаси 2030 йилгача мўлжалланган ва Transfermarkt портали версиясига кўра, унинг трансфер қиймати 60 миллион еврони ташкил этади.
