«ПСЖ» ҳужумчиси Ибраим Мбайе шу ёз клубни тарк этиши мумкин. Foot Mercato маълумотларига кўра, «Манчестер Сити» 18 ёшли сенегаллик футболчини ўз трансфер рўйхатига киритди.

Мбайе Европада ўйнаётган ўз авлодининг энг иқтидорли футболчиларидан бири ҳисобланади. Унинг Жаҳон чемпионатидаги иштироки, жумладан, Франция дарвозасига киритган голи ўйинчига бўлган эътиборни янада оширди.

Аввалроқ футболчига «Тоттенхэм» ва «Астон Вилла» қизиқиш билдираётгани ҳақида хабар берилган эди. Бундан ташқари, вазиятни «РБ Лейпциг» ва Дортмунднинг «Боруссия» клублари ҳам кузатмоқда.

Манбага кўра, «ПСЖ» ўзи янги жамоа қидираётган футболчи борасидаги таклифларни кўриб чиқишга тайёр. Ўтган мавсумда Мбайе парижликлар сафида барча турнирларда 42 та учрашувда майдонга тушиб, 4 та гол урди ва 4 та голли узатмани амалга оширди.