Жаҳон чемпионати-2026 ярим финалида Аргентина терма жамоаси Англия устидан иродали ғалабага эришиб (2:1), турнир финалига йўл олди.
Аргентиналиклар 85-дақиқага қадар ҳисобда ортда қолаётган эди, бироқ Энцо Фернандес ва Лаутаро Мартинес томонидан Лионель Мессининг узатмаларидан сўнг киритилган голлар амалдаги жаҳон чемпионларига ўйинни ўзгартиришга ёрдам берди. Энди Аргентина ўз чемпионлик унвонини испанияликларга қарши баҳсда ҳимоя қилиши керак.
Статистикага ихтисослашган «ЦИФРОСКОП» телеграм-канали таъкидлаганидек, Аргентина терма жамоаси ўз тарихидаги олтита ярим финалнинг барчасида ғалаба қозонган. Жанубий америкаликлар мусобақанинг бу босқичида ҳали бирор марта мағлубиятга учрамаган. Бундай натижа билан жами тўртта терма жамоа мақтана олади, бироқ улардан ҳеч бири ярим финалга олти марта чиқишга муваффақ бўлмаган.
Испания ва Аргентина ўртасидаги Жаҳон кубоги учун кечадиган баҳс 19 июлга белгиланган.
