Франция терма жамоаси ярим ҳимоячиси, клуб миқёсида «Рома» шарафини ҳимоя қилаётган Ману Коне «туманли Альбион»га йўл олиши мумкин. Бу ҳақда журналист Фабрицио Романо хабар бермоқда.

Манбага кўра, «Манчестер Юнайтед» 25 ёшли футболчини ўз сафига қўшиб олмоқчи. «Қизил иблислар» футболчининг вакиллари билан музокаралар олиб боришни режалаштирмоқда.

Таъкидлаш жоизки, Коненинг бозор қиймати 50 миллион еврони ташкил этади. Француз футболчиси ва Рим клуби ўртасидаги амалдаги шартнома 2029 йил июнь ойи охирида ўз ниҳоясига етади.

Ўтган мавсумда Ману 37 та ўйинда майдонга тушди. Ярим ҳимоячи иккита гол ва учта голли узатма муаллифига айланди.