Мюнхеннинг «Бавария» клуби собиқ ҳужумчиси Томас Мюллер ЖЧ-2026 ярим финали доирасидаги Англия ва Аргентина терма жамоалари ўртасидаги баҳсдан олган таассуротлари билан ўртоқлашди.

«Инглизлар биринчи голдан кейин шундай ўйнашига ишона олмадим. Рақибга ўз жарима майдончаси ичига қулай позициялардан мунтазам равишда тўп оширишларига нега йўл қўйиб беришганини тушунмайман», — деди собиқ футболчи ижтимоий тармоқларда эълон қилинган видеода.

Аргентина Англия устидан 2:1 ҳисобида иродали ғалаба қозониб, Жаҳон чемпионати финалига йўл олди. Ҳал қилувчи баҳсда Лионель Скалони шогирдлари Испания миллий терма жамоасига қарши майдонга тушади. Учрашув 19 июль куни бўлиб ўтади.