«Тоттенхэм» ҳужумчиси Ришарлисон А Серияга йўл олиши мумкин.
La Gazzetta dello Sport нашри хабарига кўра, «Ювентус» бразилиялик футболчини ўз сафига қўшиб олишдан манфаатдор. Лондон клуби эса ўз футболчисини қўйиб юборишга тайёр. «Шпорлар» ҳужумчи учун 20–25 миллион евро миқдорида нарх белгилади.
Ришарлисон 2022 йилда «Эвертон»дан «Тоттенхэм»га 58 миллион евро эвазига ўтган эди. Унинг «шпорлар» билан шартномаси 2027 йилнинг 30 июнигача мўлжалланган. 2025/26 йилги мавсумда бразилиялик футболчи Лондон клуби сафида барча турнирларда 43 та ўйин ўтказиб, 12 та гол урди ва 5 та голли узатмани амалга оширди. Transfermarkt портали Ришарлисоннинг қийматини 25 миллион еврога баҳоламоқда.
