Испания терма жамоаси сардори Родри Жаҳон чемпионати финалида Аргентинага қарши ўйин олдидан ўз ишончини сақлаб қолмоқда. Marca хабарига кўра, ярим ҳимоячи бутун турнир давомида жамоадошларига бир хил гапни такрорламоқда: «Мен бу ерга Жаҳон чемпионатида ғолиб чиқиш учун келганман».

Франция устидан қозонилган 2:0 ҳисобидаги ғалабадан сўнг, испанлар ўз тарихидаги иккинчи Жаҳон чемпионати финалига чиқишди ва энди иккинчи титулни қўлга киритишга бир қадам қолди.

Турнирнинг энг муҳим ўйини яқинлашиб келаётганига қарамай, терма жамоа ичида хотиржамлик ҳукм сурмоқда. Футболчилар олдиларига қўйилган вазифани ҳали тўлиқ бажармаганликларини таъкидлаб, бор эътиборларини Аргентинага қарши бўлажак учрашувга қаратганлар.

Родрининг ўзи аввалроқ чемпионликка элтувчи йўл осон бўлмаслигини қайд этганди:

«Агар кимдир биз Жаҳон чемпионатида азоб чекмасдан ғолиб чиқамиз деб ўйласа, у адашади. Бу ерда дунёнинг энг яхши терма жамоалари йиғилган, аммо жамоамиз бундай турнирда ғалаба қозониш учун керакли баркамолликни кўрсатди».

Испания ва Аргентина ўртасидаги Жаҳон чемпионати финали 19 июль куни Ист-Ратерфорддаги «Метлайф» стадионида бўлиб ўтади.