ЖЧ-2026 финалига уч кун қолганида Испания терма жамоасининг икки футболчиси умумий гуруҳда машғулот ўтказмади.

Marca хабарига кўра, ҳимоячи Педро Порро ва вингер Ламин Ямал бугун жисмоний ноқулайлик сабабли индивидуал тарзда шуғулланди. Ҳар иккала ўйинчи Францияга қарши ярим финал учрашувидан (2:0) сўнг ноқулайлик сезган. Ямал бугунги машғулот вақтида чап сонида боғич билан кўриниш берди.

Таъкидланишича, Ямал ва Порро эҳтиёт чораси сифатида жамоа билан машғулот ўтказмаган. Испания терма жамоасида футболчилар 19 июль куни Аргентинага қарши бўлиб ўтадиган финал ўйинига тайёр бўлишларига ишонч билдирилмоқда.