Суперлиганинг 12-туридан ўрин олган «Нефтчи» – «Бухоро» (2:1) учрашувидан кейин «Бухоро» бош мураббийи Александр Хомяков матбуот анжуманида иштирок этди.

Мутахассиснинг таъкидлашича, жамоаси амалдаги чемпионга қарши муносиб қаршилик кўрсатган, аммо баҳс сўнггида ўтказиб юборилган гол мағлубиятга сабаб бўлган.

«Аввало барчани мавсумнинг иккинчи қисми бошлангани билан табриклайман. Ўйлайманки, ҳаммамиз футболни соғиниб қолгандик. Амалдаги чемпионга қарши ўйнадик ва жиддий қаршилик кўрсатишга ҳаракат қилдик.

Ҳаммаси яхши кетаётганди, бироқ баҳс охирларида гол ўтказиб юбордик. Эътиборни ҳимояга қаратдик ва бу тушунарли эди. Лекин футболда 90 дақиқа давомида фақат ҳимояланиш осон эмас. Бугун айнан шу жиҳатдан қийналдик.

Яна бир бор «Нефтчи»ни ғалаба билан табриклайман. Энди эса кейинги ўйинга тайёргарлик кўрамиз», — деди Хомяков.