«Астон Вилла» «Милан» ҳимоячиси Первис Эступиньян билан шартнома шартларини келишиб олди, дея хабар бермоқда таниқли инсайдер Николо Скира.
Маълумотларга кўра, 28 ёшли эквадорлик ҳимоячи ва инглиз клуби ўртасида 2031 йилга қадар мўлжалланган битим бўйича принципиал келишувга эришилган. Айни пайтда «Астон Вилла» раҳбарияти трансферни расмийлаштириш учун «Милан» билан фаол музокаралар олиб бормоқда.
Эслатиб ўтамиз, Эступиньян 2025/2026 йилги мавсумда Италия чемпионати ва мамлакат кубоги доирасида 21 та ўйинда майдонга тушиб, 1 та гол ва 1 та голли узатмага муаллифлик қилган. Шунингдек, у ЖЧ-2026 мусобақасида ўз миллий терма жамоаси сафида иккита учрашувда ҳаракат қилди.
Transfermarkt портали футболчининг бозор қийматини 12 миллион еврога баҳоламоқда.
