«Пари Сен-Жермен» вингери Брэдли Баркола клуб билан янги шартнома имзолаши мумкин. Инсайдер Фабрицио Романонинг хабар беришича, келгуси ҳафта парижликлар вакиллари 23 ёшли футболчининг агенти билан меҳнат шартномасини узайтириш имкониятларини муҳокама қилиш учун учрашув ўтказади.
Брэдли Барколага «Ливерпуль», «Арсенал» ва бошқа Европа грандлари қизиқиш билдирмоқда. «ПСЖ» эса потенциал харидорларга футболчи билан хайрлашиш ниятида эмаслигини аллақачон маълум қилди, шу сабабли унинг учун жуда катта сумма талаб қилинади.
Transfermarkt портали Барколани 70 миллион еврога баҳоламоқда. Франциялик футболчининг «ПСЖ» билан амалдаги шартномаси 2028 йилгача мўлжалланган.
