«Pari Sen-Jermen» vingeri Bredli Barkola klub bilan yangi shartnoma imzolashi mumkin. Insayder Fabrisio Romanoning xabar berishicha, kelgusi hafta parijliklar vakillari 23 yoshli futbolchining agenti bilan mehnat shartnomasini uzaytirish imkoniyatlarini muhokama qilish uchun uchrashuv o‘tkazadi.

Bredli Barkolaga «Liverpul», «Arsenal» va boshqa Yevropa grandlari qiziqish bildirmoqda. «PSJ» esa potensial xaridorlarga futbolchi bilan xayrlashish niyatida emasligini allaqachon ma’lum qildi, shu sababli uning uchun juda katta summa talab qilinadi.

Transfermarkt portali Barkolani 70 million yevroga baholamoqda. Fransiyalik futbolchining «PSJ» bilan amaldagi shartnomasi 2028 yilgacha mo‘ljallangan.