«Фулхэм» ярим ҳимоячиси Сандер Берге «Манчестер Юнайтед»га ўтиши мумкин.

TEAMtalk нашрининг хабар беришича, «қизил иблислар» 28 ёшли футболчини ярим ҳимоя чизиғини кучайтириш бўйича устувор вариантлардан бири сифатида белгилаб олишди. Манчестерликлар раҳбарияти норвегиялик футболчининг трансфери 40 миллион фунт стерлинг (47 миллион евро)дан арзонроққа тушишига ишонмоқда.

Сандер Бергенинг «Фулхэм» билан шартномаси 2029 йилгача амал қилади. «Transfermarkt» порталининг баҳолашича, хавбекнинг трансфер нархи 25 миллион еврони ташкил этади.

Эслатиб ўтамиз, аввалроқ «Манчестер Юнайтед» сафига «Челси»дан Андрей Сантос ва «Астон Вилла»дан Юри Тилеманс каби ярим ҳимоячилар келиб қўшилган эди.