Лондоннинг "Тоттенхэм" клубига тегишли бўлган швециялик ярим ҳимоячи Лукас Бергвалль бошқа бир инглиз клуби — "Ноттингем Форест" сафига ўтиши мумкин.
The Telegraph хабарига кўра, "ўрмончилар" скандинавиялик футболчининг трансфери бўйича янги таклиф тайёрламоқда, чунки биринчи таклиф "шпорлар"ни қаноатлантирмаган. "Ноттингем Форест" Бергвалль учун тахминан 53 миллион евро таклиф қилмоқчи. Швециялик футболчи шу ёз "Манчестер Сити"га ўтган Эллиот Андерсоннинг ўринбосари сифатида кўрилмоқда.
Ўтган мавсум АПЛда 20 ёшли ярим ҳимоячи 23 та учрашувда майдонга тушди. У ўз ҳисобига битта гол ва учта голли узатмани ёздириб қўйди.
