"Манчестер Юнайтед" ёзги трансферлар ойнасида ҳимоя чизиғини кучайтиришни режалаштирмоқда. Манчестерликлар нишонида бир йўла бир нечта футболчи бор.

Инсайдер Бен Жейкобснинг хабар беришича, "қизил иблислар" эътиборида Карлос Аугусто ("Интер"), Льюис Холл ("Ньюкасл") ва Оливер Скарлс ("Вест Хэм") каби ўйинчилар турибди. "Манчестер Юнайтед" учун устувор вариант сифатида Льюис Холлни таркибга қўшиб олиш кўрилмоқда.

Англия Премьер-лигасининг ўтган мавсуми якунларига кўра, "қизил иблислар" 71 очко билан турнир жадвалида учинчи ўринни эгаллади. Жамоа кейинги мавсум учун УЕФА Чемпионлар лигасига йўлланмани қўлга киритди.