"Манчестер Юнайтед" апрель ойидан бери "Интер"нинг қанот ҳимоячиси Карлос Аугустога қизиқиш билдирмоқда. "Нерадзуррилар" 27 ёшли футболчини 25-30 миллион евро эвазига сотишга тайёр. Бу ҳақда журналист Бен Жейкобс хабар берди.

Манбанинг маълумотига кўра, Аугустога бўлган қизиқишга қарамай, "қизил иблислар"нинг чап қанот ҳимоячиси позицияси учун асосий трансфер мақсади "Ньюкасл" вакили Льюис Холл бўлиб қолмоқда. Шунингдек, "Манчестер Юнайтед" "Вест Хэм"нинг 20 ёшли ўйинчиси Оливер Скарлсга ҳам қизиқиш билдирган.

Ўтган мавсумда Аугусто барча турнирларда 46 та учрашувда иштирок этиб, иккита гол ва иккита голли узатмани амалга оширган. Футболчининг клуб билан амалдаги меҳнат шартномаси 2028 йилнинг ёзигача мўлжалланган. Transfermarkt портали маълумотларига кўра, футболчининг бозор қиймати 23 миллион еврони ташкил этади.