Марказий ҳимоячи Максим Эстев «РБ Лейпциг» футболчисига айланди. Бу ҳақдаги маълумот Германия клубининг расмий сайтида эълон қилинди.
24 ёшли футболчи Англиянинг «Бёрнли» клубидан сотиб олинди. Аввалроқ таниқли инсайдер Фабрицио Романо трансфер суммаси 32 миллион еврони ташкил этишини хабар қилганди. Франциялик футболчи «қизил буқалар» билан беш йиллик шартнома имзолади.
Эстеве Англияда икки ярим йил давомида тўп сурди. «Бёрнли» сафида ҳимоячи барча турнирларда 100 та ўйинда майдонга тушиб, битта гол уришга муваффақ бўлган. Унга қадар футболчи Франциянинг «Монпелье» жамоаси шарафини ҳимоя қилган.
