Аргентина терма жамоаси сардори Лионель Месси миллий жамоанинг 2026 йилги Жаҳон чемпионатидаги йўли ҳақида фикр билдирди.
Турнирнинг ярим финалида аргентиналиклар Англияни 2:1 ҳисобида мағлубиятга учратди. 39 ёшли Месси майдонда тўлиқ ҳаракат қилди ва 2 та голли узатмага муаллифлик қилди.
«Очиғини айтсам, турнир бошланишидан аввал ҳам бу жамоага чиндан ишонгандим. Ярим финалгача етиб боришимиз ва чемпионлик учун курашиш имкониятига эга бўлишимизни билардим. Энди биз яна финалдамиз — бу жуда ажойиб. Биз яна кўп йиллардан буён жамоага хос бўлган хислатларни намойиш этдик: сифатли футбол, хотиржамлик ва ўйинни ўқий олиш қобилияти», — дея Мессининг сўзларини келтиради TyC Sports.
ЖЧ-2026 даги 7 та ўйинда Месси 8 та гол урди ва 4 та голли узатмани амалга оширди. У айни дамда турнирнинг энг яхши тўпурарлари рўйхатини бошқариб бормоқда.
Жаҳон чемпионати финалида Аргентина Испанияга қарши майдонга тушади. Учрашув якшанба, 19 июль куни «MetLife» стадионида бўлиб ўтади.
