«Рома» ва Туркия терма жамоаси ҳимоячиси Зеки Челик «Ювентус» билан шартнома имзолади, деб хабар берди Турин клуби матбуот хизмати.
29 ёшли футболчи билан тузилган шартнома уч йилга, яъни 2029 йилнинг 30 июнига қадар мўлжалланган.
«Ювентус»га ўтгунига қадар Челик 2022 йилнинг ёзидан бошлаб «Рома» шарафини ҳимоя қилган ва шартномаси якунлангани муносабати билан 1 июль куни жамоани тарк этган эди. 2025/26 йилги мавсумда ҳимоячи 45 та ўйинда майдонга тушиб, битта гол урди ва тўртта голли узатмани амалга оширди.
Transfermarkt портали футболчининг трансфер қийматини 14 миллион еврога баҳоламоқда.
Маълумот учун, 2025/26 йилги мавсумда «Ювентус» 69 очко жамғариб, Италия А Серияси турнир жадвалида олтинчи ўринни эгаллади. «Рома» эса 73 очко билан учинчи ўринда финишлашга муваффақ бўлганди.
