Аргентина терма жамоаси сардори Лионель Месси Испания терма жамоаси вингери Ламин Ямал ҳақида фикр билдирди.

«Ямал олти ойлик бўлганида уни чўмилтирганимдаги суратми? Энди биз тўқнаш келишимиз — бу мен учун шунчаки ақлбовар қилмас ҳолат. Ҳозир у дунёдаги энг яхши футболчилардан бири. «Барселона»нинг омади чопди. Ямал учун нима яхши бўлса, бизнинг «Барселона»миз учун ҳам шу яхшидир.

Ямал — ажойиб футболчи. Мен уни жуда диққат билан кузатиб бораман, чунки у мен севадиган клубда ўйнайди. Мен унга доим энг яхши тилакларни тилайман. Аммо биз финалда шундай ўйнашга ҳаракат қиламизки, Ямал ўз ўйинини кўрсата олмасин. Лекин у ерда фақат Ламинни эмас, бутун Испанияни тўхтатишга уриниш керак. Уларнинг ажойиб ўйинчилари ва ўз услуби бор. Аммо бизнинг ҳам ўз «яширин режаларимиз» бор», — дея Мессининг сўзларини келтиради The Touchline.

Испания ва Аргентина 19 июль куни жаҳон кубоги учун баҳс олиб боришади.