АҚШ терма жамоаси бош мураббийи Маурисио Почеттино яқин кунларда ўз келажаги борасида қарор қабул қилишини маълум қилди. Аргентиналик мутахассиснинг Америка футбол федерацияси билан тузган шартномаси шу ой охирида ўз ниҳоясига етади.
«Биз вазиятни баҳолаяпмиз ва кейин нима бўлишини кузатяпмиз. АҚШ федерацияси менга фаолиятимни давом эттириш бўйича таклиф билан чиқди. Келаси ҳафта қарор қабул қиламиз», — деди Почеттино Cadena Cope нашрига берган интервьюсида.
«Ҳозир биз узоқ муддатли режаларни фаол муҳокама қиляпмиз ва жараён қандай кетаётганидан мамнунмиз», — дея қайд этди футбол федерацияси вакилларидан бири.
Эслатиб ўтамиз, АҚШ терма жамоаси жаҳон чемпионатидаги иштирокини 1/8 финалда, Бельгияга қарши ўйинда мағлуб бўлиш билан якунлади.
