Футбол бўйича Ўзбекистон Суперлигасининг 12-туридан ўрин олган “Навбаҳор” – ОКМК (2:3) учрашуви наманганликлар учун тарихий кўрсаткич билан ёдда қоладиган бўлди.

Ушбу баҳсда мезбонларнинг миллий чемпионатлар тарихидаги юбилей — 1600-голи киритилди. Тарихий голга учрашувнинг 8-дақиқасида жарима майдончаси ташқарисидан кучли зарба билан олмалиқликлар дарвозасини ишғол қилган 25 ёшли ярим ҳимоячи Русланбек Жиянов муаллифлик қилди.

Шу тариқа, Жиянов “Навбаҳор” клуби тарихида юбилей голларни киритган футболчилар рўйхатидан жой олди.