Англия терма жамоасининг собиқ ярим ҳимоячиси, МЛСнинг «Интер Майами» клуби ҳаммуассиси Дэвид Бекхэм АҚШда футболнинг оммавийлиги ҳақида гапириб берди.
«Мен ҳар доим АҚШда футбол баскетбол, америка футболи ёки бейсбол каби оммабоп бўлишига ҳеч қандай тўсиқ йўқлигини айтганман. Жаҳон чемпионати каби турнирлар янги авлод футболчиларини илҳомлантиришга ва ушбу спорт турига бўлган қизиқишни оширишга қодир. Бу Жаҳон чемпионатида ҳақиқатан ҳам ўзига хос лаҳзалар кўп бўлди ва буларнинг барчаси бўлажак авлодларга катта таъсир кўрсатиши мумкин», — дея Бекхэмнинг сўзларидан иқтибос келтиради tribalfootball.com.
