«Барселона»да Мадриднинг «Атлетико» клубидан Хулиан Альваресни трансфер қилиш борасидаги шубҳалар кучаймоқда.
«Матрасчилар»нинг позицияси ўзгармаяпти – улар шу ёзда аргентиналик футболчи бўйича музокара олиб боришмоқчи эмас. Журналист Луис Рохонинг хабар беришича, Каталония клуби Альваресни сотиб олишнинг иложи йўқлигига яқин турибди. Вазият фақат бир ҳолатдагина тубдан ўзгариши мумкин: агар футболчининг ўзи кескин чорага қўл урса — у «Атлетико» раҳбариятига қарши очиқ чиқиш қилиб, «Барса»га сотилишини омма олдида талаб қилиши керак.
«Кўк-анорранглилар» музокаралар учун охирги муддатни белгилаб қўйди — 31 июль. Агар шу вақтгача вазият ойдинлашмаса, Испаниянинг амалдаги чемпионлари бошқа ҳужумчини излашга киришади.
