Манбаларнинг хабар беришича, 54 ёшли франциялик мураббий Зинедин Зидан 1 сентябрдан Франция терма жамоаси бош мураббийи сифатида иш бошлайди. Мутахассиснинг тайинлангани ҳақида ҳали расман эълон қилинмаган.
Зидан бунгача терма жамоалар билан ишламаган. У 2016-2018 ҳамда 2019-2021 йилларда Мадриднинг «Реал» клубини бошқарган. Француз мураббий «қаймоқранглилар» билан икки марта Испания чемпионатида ва уч марта Чемпионлар лигасида зафар қучган.
Дешам 2016 йилдан буён Франция терма жамоасини бошқариб келаётган эди. Мутахассис францияликларни Жаҳон чемпионати ва Миллатлар лигасида ғалабага етаклаган.
