«Арсенал» ҳозирча «Пари Сен-Жермен» вингери Брэдли Барколани трансфер қилиш бўйича янги қадамлар ташлагани йўқ. Бу ҳақда инсайдер Фабрицио Романо ўз ижтимоий тармоқларида маълум қилди.
Унинг маълумотларига кўра, Морган Рожерс учун курашдаги омадсизликдан сўнг, «канончилар» Франция клуби билан алоқага чиқишмаган. Шу билан бирга, 23 ёшли футболчига «Ливерпуль» қизиқиш билдиришда давом этмоқда. Мерсисайдликлар вазиятни кузатишмоқда ва агар «ПСЖ» Барколани мақбул нарх эвазига сотишга рози бўлса, музокараларни фаоллаштиришга тайёр.
Аввалроқ франциялик футболчи ўз келажаги борасидаги якуний қарорни Жаҳон чемпионати якунланганидан кейин қабул қилиш ниятида экани хабар қилинганди.
