"Барселона" президенти Жоан Лапорта Жаҳон чемпионати финали олдидан Лионель Месси ва Ламин Ямал ҳақида ўз фикрларини билдирди. Бугун Аргентина ва Испания терма жамоалари ўртасида Жаҳон кубоги учун баҳс бўлиб ўтади.
"Месси — футбол тарихидаги энг зўри, аммо Ямални ҳам тўхтатиб қолиш жуда қийин. Мен бу финал Ламиннинг юлдузли онларига айланишини ва у ўз мақомини мустаҳкамлаб олишини истайман. Футбол цикли ва ўзгарувчан — энди янгиланишлар вақти келди. Месси — "Барса"нинг буюк даври бир қисми, у бизга шон-шуҳратли йилларни ҳадя қилган, аммо энди Ламиннинг пайти келди. Жаҳон чемпионати финалида "Ла Масия" тарбияланувчиларининг тўқнашуви — фахрланиш учун сабабдир", — дея Лапортанинг сўзларини келтиради Barca Universal.
Лионель Месси "Барселона"ни 2021 йилда тарк этган. Ламин Ямал эса икки йил ўтиб деют қилган.
