Англия терма жамоаси ҳимоячиси Жед Спенс ЖЧ-2026 доирасидаги 3-ўрин учун кечган баҳсда Франция устидан қозонилган ғалабадан (6:4) сўнг турнирни ўз фаолияти нуқтаи назаридан сарҳисоб қилди.
"Бу ёмон бўлмаган дебют турнири бўлди. Англия учун 1966 йилдан бери энг яхши натижани қайд этиш мен учун катта шараф. Албатта, биз истаган натижа бу эмасди, лекин ижобий жиҳатлар ҳам бор. Мен бу жамоанинг бир қисми эканимдан фахрланаман.
Мен ҳар доим ўзимга ишонганман ва бундай жаҳон саҳнасида ўз имкониятларимни кўрсата олганимдан хурсандман. Шу руҳда давом этишга умид қиламан. Аргентинадан учралган мағлубиятдан кейин хафсаламиз пир бўлгани аниқ, аммо биз барчасини ортда қолдириб, ишимизга диққатни қаратишимиз керак эди. Йигитларга қойил қолиш керак, улар буни уддалашди. Бу жамоанинг кучли характерга эга эканининг исботидир.
Менимча, бутун Жаҳон чемпионати, бутун турнир хотирамда абадий сақланиб қолади. Бу менинг биринчи йирик турнирим. Шундай экан, ҳа, бу мен учун катта неъмат. Бу жамоа билан биргаликда бундай тажрибани бошдан кечириш катта шараф. Гап фақат бугунги ўйин ҳақида кетмаяпти: Мексикага қарши кечган кеча ҳам фантастик эди. Шундай экан, ҳа, менда кўплаб ажойиб хотиралар қолди", — дея Спенснинг сўзларини келтиради Tuttomercatoweb.
