Миланнинг «Интер» клуби ўз сардори Лаутаро Мартинес бўйича трансфер талабини қайта кўриб чиқди.

28 ёшли ҳужумчи Аргентина терма жамоасига жаҳон чемпионати финалига чиқишда ёрдам берди. У чорак финалда Швейцарияга ва ярим финалда Англияга қарши ўйинларда биттадан гол урди. Таъкидлаш жоизки, «нерадзуррилар» вакили ҳар икки ҳолатда ҳам майдонга захирадан тушган. La Gazzetta dello Sport нашри маълумотларига кўра, «Интер» мундиалдаги муваффақиятларидан кейин футболчи учун камида 120 миллион евро талаб қилишга ҳақли деб ҳисобламоқда.

Сўнгги пайтларда Лаутаро Мартинесга «Барселона» томонидан қизиқиш билдирилаётгани ҳақида хабарлар тарқалган эди. Transfermarkt баҳосига кўра, форварднинг бозор қиймати 85 миллион еврони ташкил этади.

Бугун Аргентина ЖЧ-2026 финалида Испанияга қарши майдонга тушади.