Испания терма жамоаси ҳимоячиси Эмерик Лапорт Аргентинага қарши кечадиган финал олдидан жаҳон чемпионатидаги ҳакамлик ҳақида кескин фикрлар билдирди.
32 ёшли футболчи ҳакамлар аргентиналикларга ҳаддан ташқари кўп эркинлик бераётганини таъкидлади. Журналист Мартин Аревало хабарига кўра, Аргентина терма жамоаси Лапортнинг бу изоҳларидан норози. «Албиселесте» вакиллари испаниялик футболчи ўз сўзлари билан финални бошқариб борадиган бош ҳакам Славко Винчичга босим ўтказганини ҳисоблашмоқда.
Аргентина ва Испания ўртасидаги учрашув бугун бўлиб ўтади. Ўйин Тошкент вақти билан соат 00:00 да бошланади.
