Таниқли британиялик журналист Пирс Морган Англия терма жамоаси ва Бирмингемнинг «Астон Вилла» клуби ярим ҳимоячиси Морган Рожерснинг Лондоннинг «Челси» клубига эҳтимолий ўтиши ҳақидаги хабарга изоҳ берди.
«Бу абсурд нарх. Бу сумма эвазига мен Хвича ёки Винисиусни сотиб олган бўлардим», — дейилади журналистнинг ижтимоий тармоқлардаги хабарида.
Аввалроқ Британия матбуотида «аристократлар» Рожерс учун 117 миллион фунт стерлинг (~138 млн евро) тўлаши ҳақида хабар берилган эди.
Англия Премьер-лигасининг якунланган мавсумида 23 ёшли вингер 37 та ўйинда майдонга тушди. Морган ўз ҳисобига ўнта гол ва олтита голли узатмани ёздириб қўйди.
