«Шахтёр» Чемпионлар лигаси доирасидаги уй ўйинларини Лондонда ўтказиш бўйича «Челси», «Фулхэм» ва «Брентфорд» клублари билан музокаралар олиб бормоқда.
Украина клуби 2026/27 йилги мавсум турнирининг умумий босқичига чиқди ва уй учрашувлари учун стадион изламоқда. The Athletic нашри хабарига кўра, «Шахтёр» аллақачон ушбу учта инглиз клуби билан боғланган ва Лондонга кўчиб ўтиш варианти жиддий кўриб чиқилмоқда.
«Челси», «Фулхэм» ва «Брентфорд» янги мавсумда еврокубокларда иштирок этмайди, шу боис уларнинг стадионлари Чемпионлар лигаси ўйинлари кунларида бўш бўлади. Танланган клуб «Шахтёр»дан аренани ижарага олганлик учун тўлов олади.
Сўнгги мавсумларда «Шахтёр» еврокубоклардаги уй ўйинларини Польша, Германия ва Словенияда ўтказган эди.
