ЖЧ-2026 ўтказилишидан ФИФА олган даромад кутилганидан ҳам ошиб кетди.
Халқаро футбол федерацияси рекорд даражадаги 15 миллиард долларлик даромад ҳақида эълон қилади, деб хабар бермоқда The Guardian. Дастлаб ташкилот раҳбарияти 11 миллиард доллар миқдорида даромад олишни прогноз қилган эди.
Манбаларнинг маълумотларига кўра, якуний даромад кутилганидан ошишига асосан чипталарни сотиш ва қайта сотиш сабаб бўлган. Чипталар қайта сотилганда ФИФА ҳам сотувчидан, ҳам харидордан 15 фоиз миқдорида комиссия ундиради.
Даромаднинг яна бир катта қисми меҳмондўстлик соҳасидаги хизматлардан келиб тушган.
