Франция терма жамоасининг жаҳон ва Европа чемпионатларида урган охирги 25 та голи «Реал» ва «ПСЖ» футболчилари ҳиссасига тўғри келади. Бу ҳақда Opta Х ижтимоий тармоғида хабар берди.

Жорий турнирда Франция терма жамоаси 3-ўрин учун кечган баҳсда Англияга 4:6 ҳисобида имкониятни бой берди. Ушбу ўйиндаги голларга Килиан Мбаппе (дубль, «Реал»), Брэдли Баркола ва Усмон Дембеле (иккаласи ҳам «ПСЖ») муаллифлик қилишди.

Бундан буён Франция терма жамоасида бошқа мураббий иш бошлайди. Дидье Дешам 14 йиллик фаолиятидан сўнг ўз лавозимини тарк этди. Дешам бошчилигида Франция терма жамоаси 2018 йилда Россияда бўлиб ўтган жаҳон чемпионатида ғолиб чиққан эди. Шунингдек, Франция 2016 йилги ўз уйида ўтган Евро финалига ҳамда 2022 йилги жаҳон чемпионати финалига қадар етиб борган.