«Реал» ва Англия терма жамоаси собиқ мураббийи Фабио Капелло жаҳон чемпионати ўйинларидаги таймлар ўртасидаги сув ичиш учун паузалар унга ёқишини айтди.

— Бизнес ва кўнгилочар дастурлар туфайли деярли 30 дақиқалик танаффус билан ўтадиган жаҳон чемпионати финали — бу ҳаддан ташқари кўп эмасми?

— Ҳаммаси қайси томондан қарашга боғлиқ. Масалан, менга мураббий сифатида тайм давомидаги сув ичиш учун пауза жуда ёқади. Майдон катта, баъзида футболчилар сени эшитишмайди, бундай пайтда эса уларга кўрсатмалар бериш имкони пайдо бўлади. Мураббийлар учун бу ҳақиқатан ҳам фойдали.

Таймлар ўртасидаги танаффусга келсак, ярим соат, менинг назаримда, барибир жуда кўп. Футболчилар совиб улгуришади. Аммо шу билан бирга муҳим жиҳат ҳам бор: мураббийда хотиржамлик билан кўрсатмалар бериш ва ўзгартиришлар киритиш учун кўпроқ вақт бўлади.

У ўйинга анча кучлироқ таъсир ўтказиши мумкин, бу эса ҳар қандай учрашувнинг, айниқса, жаҳон чемпионати финалининг боришини ўзгартириб юборишга қодир, – деди Капелло.