Президент Луис Инасиу Лула да Силва бошчилигидаги Бразилия ҳукумати БМТ ва ФИФАга шикоят йўллади. Бунга 2026 йилги жаҳон чемпионати давомида қайд этилган ирқчилик ва нафрат тили кўринишлари сабаб бўлган, деб хабар беради Globo.

Манбанинг маълумотларига кўра, мониторинг давомида интернетдаги 6 миллиондан ортиқ мақола ва постлар таҳлил қилинган. Уларнинг қарийб 89 мингтасида ҳақоратли мазмун мавжуд бўлиб, бундай хабарларнинг 11 фоизи ирқий хусусиятга эга бўлган.

Бразилия томони қоидабузарликларнинг олдини олиш, текшириш ва жазолашга қаратилган чоралар кўрилишини, шунингдек, турнир давомидаги шу каби воқеалар билан боғлиқ зарарни қоплашни талаб қилмоқда.