Испания терма жамоасининг жаҳон чемпионатидаги ғалабасини нишонлаш вақтида мамлакатдаги фавворанинг қулаши оқибатида бир ўсмир ҳалок бўлди, уч киши жароҳат олди, деб хабар беради Europa Press полиция манбаларига таяниб.

Фожиа 19 июлдан 20 июлга ўтар кечаси Сьюдад-Родриго шаҳрида (Саламанка провинцияси) содир бўлган. Таъкидланишича, Испания терма жамоасининг ғалабасидан руҳланган ёшлар фаввора атрофига йиғилишган. Конструкциянинг бир қисми қулаб тушган ва тошлардан бири 13 ёшли ўсмирнинг устига тушган. Унга кўрсатилган ёрдамга қарамай, уни сақлаб қолиб бўлмади. Яна уч нафар ёш йигит жароҳат олиб, оғир аҳволда ётибди.

ЖЧ-2026 финалида Испания қўшимча бўлимларда Аргентинани 1:0 ҳисобида мағлуб этиб, ўз тарихида иккинчи бор жаҳон чемпиони бўлган эди.