«Рома» «Вест Хэм» вингери Крисенсио Саммервилль учун товон пулини тўлашга тайёр. Бу ҳақда Football Italia хабар бермоқда.
«Вест Хэм» АПЛдан тушиб кетганидан кейин ўз етакчиларидан бирини сотишни кўриб чиқишга мажбур бўлган эди. Футболчининг трансфери деярли шубҳа туғдирмаяпти, бироқ аниқ товон пули миқдори номаълумлигича қолмоқда. Инглиз оммавий ахборот воситалари ва Il Tempo уни 53 миллион еврога баҳоламоқда, журналист Альфредо Педулла эса сумма 50 миллиондан кам эканини айтмоқда.
Шуни таъкидлаш жоизки, сотиб олиш банди фақат кейинги 2 кун давомида амал қилади. Футболчи аллақачон «Рома» билан шахсий шартнома шартларини келишиб олган. 24 ёшли нидерландияликнинг маоши бонусларсиз мавсумига тахминан 4 миллион еврони ташкил қилади. Ўтган мавсумда Саммервилль 34 та ўйинда 7 та гол ва 5 та голли узатмани амалга оширди.
