Нидерландиянинг «Аякс» клуби «Ювентус»дан ҳужумчи Диего Пуньо ўтганини эълон қилди. Томонлар 20 ёшли футболчини бир мавсумга ижарага олиш бўйича келишиб олишди, деб хабар беради Амстердам клубининг расмий сайти.
Шартномада футболчини сотиб олиш ҳуқуқи ҳам кўзда тутилган. Transfermarkt портали томонидан бозор қиймати 400 минг еврога баҳоланган италиялик ҳужумчи янги клубида ўринбосарлар жамоасида тўп тепади.
Пуньо «Ювентус» академияси тарбияланувчиси ҳисобланади. Форвард Туринликларнинг асосий жамоасидаги ягона ўйинини 2024 йил 1 декабрь куни А Серия доирасида «Лечче»га қарши ўтказган.
Ўтган мавсумда ёшлар ўртасидаги мусобақаларда майдонга тушган ўйинчи 21 та баҳсда 8 та гол урди ва 3 та голли узатмани амалга оширди.
