«Манчестер Юнайтед»нинг собиқ футболчиси, ҳозирда эса «МЮ» мураббийлар штаби аъзоси Жонни Эванс шу ёзда ярим ҳимоячи Юри Тилеманснинг «Астон Вилла»дан «қизил иблислар» лагерига ўтишига жиддий таъсир кўрсатди.

Manchester United Forever маълумотларига кўра, «Манчестер Юнайтед» директорлар кенгаши Эвансдан бельгиялик футболчи ҳақида сўраб-суриштирган, чунки бу футболчилар илгари «Лестер»да бирга тўп суришган. Эванс ярим ҳимоячига ижобий тавсиф бериб, унинг майдондаги ва майдон ташқарисидаги профессионаллигини алоҳида таъкидлаган.

Эслатиб ўтамиз, «Манчестер Юнайтед» Юри Тилеманснинг трансферини 14 июль куни эълон қилган эди. Трансфер суммаси 41 миллион еврони ташкил этди, бельгиялик футболчи билан шартнома эса 2031 йилнинг 30 июнигача имзоланди.