УЕФА президенти Александер Чеферин принципиал сабабларга кўра 2026 йилги Жаҳон чемпионати финалига бормади.
Турнирнинг ҳал қилувчи баҳсида Испания терма жамоаси Аргентинани 1:0 ҳисобида мағлуб этди.
The Times нашрининг ёзишича, бир вақтнинг ўзида ФИФА вице-президенти лавозимини ҳам эгаллаб турган Чеферин нормал шароитда стадионда ҳозир бўлиши керак эди, бироқ у Фоларин Балогуннинг дисквалификацияси бекор қилиниши билан боғлиқ вазият фонида ушбу ўйинга ташриф буюришдан бош тортди.
Эслатиб ўтамиз, АҚШ терма жамоаси ҳужумчиси Босния ва Герцеговинага қарши кечган ўйиндаги (2:0) қизил карточкадан сўнг дисквалификация қилинган эди. Бироқ ушбу жазонинг тўхтатилиши ортидан футболчи ЖЧ-2026 нинг Бельгияга қарши 1/8 финал учрашувида (1:4) майдонга туша олди. АҚШ Президенти Дональд Трамп Балогуннинг майдондан четлатилиши масаласини ФИФА раҳбари Джанни Инфантино билан муҳокама қилганини тан олган эди.
The Times нашрининг ёзишича, ушбу вазият ФИФА ва УЕФА ўртасидаги муносабатларни жиддий равишда ёмонлаштирган. Европа футбол ассоциациялари иттифоқи Жаҳон чемпионати ўтказилишига сиёсий аралашувдан жуда норози бўлган.
