RAI нашри маълумотларига кўра, Лондоннинг "Тоттенхэм" ва Италиянинг "Наполи" клублари ўртасида футболчи алмашинуви жорий трансфер ойнасида амалга оширилиши мумкин.
Манбанинг хабар беришича, "шпорлар" дарвозабони Гульельмо Викарио бу ёзда клубини ўзгартиришни режалаштирмоқда. У ўз ватанига қайтишга қизиқмоқда. Айни пайтда, "Наполи" клуби Ваня Милинкович-Савич билан хайрлашишни кўриб чиқмоқда. Иккала томон ҳам дарвозабон алмашинувини кўриб чиқмоқда.
Ўтган Англия Премьер-лигаси мавсумида Викарио 31 та ўйинда майдонга тушиб, 50 та гол ўтказиб юборган. Милинкович-Савич А Сериясининг 27 та ўйинида майдонга тушиб, 24 та гол ўтказиб юборган.
