ФИФА Испанияга қарши Жаҳон чемпионати финалидан кейин аргентиналик ярим ҳимоячи Леандро Паредесга кўрсатилган қизил карточкани бекор қилди. Бу ҳақда BBC хабар берди.
Паредес Жаҳон чемпионати финалидан кейин Испания футболчилари билан жанжаллашиб кетганди. Паредес аввал ҳимоячи Эрик Гарсиянинг бўйнидан ушлаб, уни бўғди. Кейин эса ярим ҳимоячи Гавини итариб юборди.
ФИФА дастлаб Паредес қизил карточка олгани ҳақида хабар берган эди. Кейинчалик карточка ўйин протоколидан олиб ташланди.
ФИФА BBCга Паредесга нисбатан ҳеч қандай интизомий чоралар кўрилмаганлигини тасдиқлади.
Аввалроқ, ФИФА Аргентина футболчилари Жаҳон чемпионати ярим финалида Англия устидан қозонилган ғалабадан кейин “Малвин ороллари Аргентинаники” деган ёзув туширилган баннер кўтаргани бўйича тергов бошлаганини маълум қилганди.
