Марк ван Боммель Бельгия терма жамоасининг янги бош мураббийига айланиши кутилмоқда.

Nieuwsblad нашрининг хабар беришича, Бельгия Қироллик футбол ассоциацияси 49 ёшли мутахассис билан келишувга эришган. Машҳур собиқ ярим ҳимоячи 2028 йилнинг июль ойи охиригача мўлжалланган шартномани имзолашга розилик берди.

«Қизил иблислар» устози сифатида Марк ван Боммель жаҳон чемпионатининг чорак финалида Испаниядан учратилган мағлубиятдан сўнг лавозимини тарк этган Руди Гарсиянинг ўрнини эгаллайди. Франциялик мутахассис ушбу лавозимни 2025 йил бошидан бери эгаллаб келаётган эди.

Ван Боммель 2022 йилдан 2024 йилгача «Антверпен»ни бошқарган бўлиб, шундан бери бирор клуб ёки терма жамоада мураббийлик қилмаётган эди.