Таниқли англиялик арбитр Энтони Тэйлор 47 ёшида ҳакамлик фаолиятини якунлаганини эълон қилди.
«Элита даражасида ҳакамлик қилиш мен учун катта шараф бўлди, аммо босим жуда катта ва доимий эътибор ниҳоятда кучли эди. Шу сабабли, ҳозир фаолиятимни якунлаш ва ҳаётимдаги янги саҳифани интиқлик билан кутиш учун энг мақбул вақтдир», — дея Тэйлорнинг сўзларини келтиради инсайдер Фабрицио Романо.
Энтони Тэйлор ҳакамлик фаолиятини 2002 йилда бошлаган ва жами 831 та ўйинни бошқарган. Англиялик рефери 2022 ва 2026 йилги жаҳон чемпионатларида, шунингдек, 2024 йилги Европа чемпионатида ишлаган. Унинг фаолиятидаги охирги ўйин ЖЧ-2026нинг 1/8 финалидан ўрин олган Испания ва Португалия терма жамоалари ўртасидаги баҳс бўлди. Бундан ташқари, Тэйлор 2020 йилда «Бавария» ва «Севилья» ўртасидаги УЕФА Суперкубоги учрашувини ҳамда 2023 йилда «Севилья» ва «Рома» ўртасидаги Европа Лигаси финалини бошқарган.
