«Тоттенхэм» марказий ҳимоячиси Кристиан Ромеро Миланнинг «Интер» клубига кўчиб ўтиши мумкин.

Инсайдер Фабрицио Романонинг хабар беришича, «нерадзуррилар» 28 ёшли футболчи бўйича расмий таклиф тайёрламоқда. А Серия гранди аллақачон «шпорлар» билан алоқага чиққан, тез орада аргентиналик футболчининг вакиллари билан ҳам музокара ўтказади. «Тоттенҳэм» футболчининг кетиши муқаррар эканини тушунмоқда ва уни сотишга тайёр.

Кристиан Ромеро учун курашда «Интер»нинг асосий рақобатчиси — «Барселона», аммо каталонияликлар ҳозирча аниқ музокаралар олиб бормаяпти. Лондонликлар сардорининг трансфер қиймати Transfermarkt портали экспертлари томонидан 45 миллион еврога баҳоланмоқда.