Аргентина футбол ассоциацияси (AFA) ЖЧ-2026 вақтида Аргентина терма жамоаси ҳақида ёлғон маълумотлар тарқатилгани сабабли судга мурожаат қилиши мумкин. Бу ҳақда Sportskeeda хабар бермоқда.
Манба маълумотларига кўра, Аргентина томони жамоа ва унинг ўйинчилари ҳақида «сохта айбловлар» ва текширилмаган маълумотларни тарқатганларга қарши даъво аризалари киритиш имкониятини кўриб чиқмоқда.
Юристлар аллақачон далилларни — ижтимоий тармоқлардаги постлар, скриншотлар ва бошқа материалларни йиғишни бошлаб юборишган. Хабар қилинишича, эҳтимолий даъво аризалари нафақат йирик ОАВга, балки ижтимоий тармоқларнинг алоҳида фойдаланувчиларига қарши ҳам қаратилиши мумкин.
Турнир давомида Аргентина шаънига айтилган кўплаб айбловлар ушбу норозиликка сабаб бўлди. 1/8 финалда Миср устидан қозонилган ғалабадан сўнг, ҳакамларнинг гўёки ён босгани ва ФИФА томонидан ёрдам берилгани ҳақида баёнотлар пайдо бўлган эди.
