Argentina futbol assosiasiyasi (AFA) JCH-2026 vaqtida Argentina terma jamoasi haqida yolg‘on ma’lumotlar tarqatilgani sababli sudga murojaat qilishi mumkin. Bu haqda Sportskeeda xabar bermoqda.
Manba ma’lumotlariga ko‘ra, Argentina tomoni jamoa va uning o‘yinchilari haqida «soxta ayblovlar» va tekshirilmagan ma’lumotlarni tarqatganlarga qarshi da’vo arizalari kiritish imkoniyatini ko‘rib chiqmoqda.
Yuristlar allaqachon dalillarni — ijtimoiy tarmoqlardagi postlar, skrinshotlar va boshqa materiallarni yig‘ishni boshlab yuborishgan. Xabar qilinishicha, ehtimoliy da’vo arizalari nafaqat yirik OAVga, balki ijtimoiy tarmoqlarning alohida foydalanuvchilariga qarshi ham qaratilishi mumkin.
Turnir davomida Argentina sha’niga aytilgan ko‘plab ayblovlar ushbu norozilikka sabab bo‘ldi. 1/8 finalda Misr ustidan qozonilgan g‘alabadan so‘ng, hakamlarning go‘yoki yon bosgani va FIFA tomonidan yordam berilgani haqida bayonotlar paydo bo‘lgan edi.
