Неймар «Сантос»нинг навбатдаги учрашувини ўтказиб юбориб, покер турнирида қатнашди.

22 июлга ўтар кечаси «Сантос» Судамерикана кубоги доирасида Венесуэланинг УСВ клубини меҳмонда йирик ҳисобда мағлуб этди (4:1). Жаҳон чемпионатидан сўнг берилган таътилни якунлаб, Бразилия клуби ихтиёрига қайтган Неймар алоҳида дастур бўйича шуғулланаётгани сабабли, мураббийлар штаби қарорига кўра бу сафарга олиб кетилмаган эди.

Goal нашрининг ESPN Brazil’га таяниб хабар беришича, «Сантос» майдонга тушган куни Неймар Сан-Паулуда ўтказилаётган Бразилия покер серияси (BSOP) турнирида қатнашган.

Таъкидланишича, бразилиялик ҳужумчи ўтган йили худди шу турнирда 53 500 реал (9 239 евро) мукофот пули ишлаб олган эди.