«Манчестер Сити» футболчиси Фил Фоден клуб билан янги шартнома имзоланганига изоҳ берди.
22 июль куни «шаҳарликлар» футболчи билан 2030 йилгача мўлжалланган меҳнат шартномаси тузилганини расман эълон қилишди.
«Келажагимни «Манчестер Сити» билан боғлаганимдан жуда мамнунман ва бу мен учун катта шараф. Ушбу клубда ўйнаш — орзу қилган ягона нарсам эди. Бу либосни кийиш — мен учун фахр. Менга ишонишда ва суянишда давом этаётган клубга, ходимларга ва жамоадошларимга миннатдорчилик билдираман. Энцо Мареска билан яна бирга ишлаш имкониятини интиқлик билан кутяпман», — деди Фоден.
Фоден 2017 йилдан бери жамоа шарафини ҳимоя қилиб келмоқда. 26 ёшли ярим ҳимоячи клуб сафида жами 369 та ўйинда майдонга тушиб, 110 та гол урган ва 68 та голли узатмага муаллифлик қилган.
